Индискиот врховен суд дал налог за апсење на сопственикот на компанијата „Сахара“, без можност за кауција, јавуваат индиските медиуми.
Налогот следува откако Рој не се појавил на важното рочиште во Врховниот суд поврзано со враќањето на 4 милијарди долари на стотина милиони измамени мали инвеститори.
Рам Џетмалани, адвокатот на Субрата Рој, изјавил дека ој не можел да дојде на рочиштето, затоа што бил да ја види неговата болна мајка во главниот град на државата Утар Прадеш, Лакнов.
Адвокатот побарал дополнителен временски период, Субрата Рој да се појави на судење.
„Раката на овој суд е многу долга. Ние ќе издадеме потерница. Ова е Врховен суд на земјата. Кога другите директори се овде, зошто тој не може да дојде“, изјавил судијата КС Радакришнан.
Како што се наведува, издадена е потерница откако Врховниот суд уште соопшти дека „ја загубил вербата во компанијата ’Сахара‘“.