Владеачката ВМРО ДПМНЕ за изборната кампања потрошила повеќе од што имале на својата сметка. Иако собрале 110 000 евра, партијата за кампањата потрошила еден милион и 508 илјади евра.
Во финасискиот извештај што го доставиле до надлежните институции нема објаснување од каде е разликата од милион и 400 илјади евра што ја потрошиле за кампањата.
На минатите парламентарни избори ВМРО ДПМНЕ пријави минус од 3 милиони евра. Но, ниту една од надлежните институции не се зафати да го истражи спорниот минус иако многумина експерти го оценија како незаконски, а неправилностите гиконатстираше и државниот ревизор.
И ДУИ има 13 илјади евра, непокриени извори на средства за предизборната кампања. Повеќе од собраното потрошила и партијата на Гостиварскиот градоначалник Руфи Османи НДП, каде има минус од околу 14 илјади евра.
Опозициските СДСМ, ДПА и ЛП за кампањите потрошиле во рамки на собраните пари.
Владееачаката ВМРО ДПМНЕ трошела повеќе и за рекаламирање во медиумите. Според извештајот на „Транспарентност интернешенел Македонија“ во последните две недели пред изборите партијата потрошила 610 840 евра не вклучувајќи ги митинзите, а не 389 300 евра како што беше кажано во нивниот извешатај претходно. Тоа се цели 221 540 евра повеќе.
Според овие нови попрецизни податоци базирани на агенцијата „Нелсон“веднаш по ВМРО ДПМНЕ за рекламната кампања, најмногу трошеле ДУИ. Тие за реламирање потрошиле 159 430 евра.
Опозиционата СДСМ за рекламирање во медиумите потрошиле 141 740 евра. Од помалите партии, Српска народна странка трошела најмногу за да се рекламира и тоа 21 800 евра.
За кампањата за локалните избори најмалку пари потрошила Либералната партија- 1410 евра.
Од „Транспарентност Интернешенел Македонија“ велат дека ова не се конечните бројки бидејќи партиите имаат законски рок од 30 дена по завршување на изборите да ги пријават финансиските извештаи до надлежните институции