Тие бараат почит, се нарекуваат себеси „заборавените херои“ и што е најважно, решени си да им се слушне гласот.
И покрај немилосрдниот дожд, стотици италијански лекари и медицински сестри се собраа вчера во центарот на Рим за да протестираат против условите за работа и да го изразат своето противење на неодамнешните мерки кои влијаат на јавниот здравствен сектор.
Организаторите беа изненадени од огромното учество,со 80 отсто од здравствените работници во секој италијански регион.
Демонстрантите бараат зголемени владини инвестиции во ресурси за подобрување на договорите за вработување, се спротивставуваат на предложените намалувања на пензиите и сакаат да ја направат професијата попривлечна за помладите луѓе во услови на недостиг на национално ниво.
Италијанскиот здравствениот систем, неодамна рангиран меѓу најдобрите во светот, е еден од главните адути на земјата. Сепак, многу од лекарите се загрижени за иднината на системот.
„Сакаме да го вратиме општественото и професионалното достоинство кое постепено ни беше одземено“, изјави за Еуроњус, Пјерино ди Силверио, генерален секретар на италијанскиот синдикат на лекари и здравствени менаџери Анаао-Асомед.
„Едноставно бараме мерките што се дел од нацрт-законот за буџетот за 2024 година да се грижат за нас и за секторот што не се управува како што треба. Веќе е планиран втор штрајк пред крајот на месецот.
Извор: Еуроњус