Зоран Заев, актуелниот градоначаник на Струмица и потпретседател на СДСМ, официјално денеска потврди за НОВА- Влегувам во трката за лидер на СДСМ.
-Моите другари, Зоран Јовановски и Игор Ивановски исто така би биле одлични лидери, доколку го добијат подршка од мнозинството на Конгресот. Нудам свој концепт и визија заедно со кадровското решение кое ќе биде ставено на маса , а тоа е Радмила Шеќеринска, како мој заменик:
– Нашата идеја е да понудиме економски решенија и визија за нашата земја, кои тесно би биле врзани и со надворешната политика. Наша интенција е да понудиме алтернатива на живеење со која ќе го свртиме вниманието прво на партијата, а потоа, се разбира на нашите граѓани, од она денес што го имаат со оваа власт, изјави Заев за НОВА.
Оваа изјава на Заев доаѓа по синоќешното повлекување на лидерот на СДСМ, Бранко Црвенковски, со што го официјализираше почетокот на трката за негов наследник.
Досега познати кандидати се Зоран Заев како лидер и негов заменик Радмила Шеќеринска (целта е да биде востановена нова фунција), Игор Ивановски, Зоран Јовановски и Кире Наумов. Последниот прв јавно ја обелодени својата амбиција за нов лидер на СДСМ, поддржан од фракционерите Владо Бучковски, Ѓорѓи Спасов и Миле Зечевиќ.