На граничниот премин Табановце, српскиот претседател, Александар Вучиќ ги предаде на премиерот, Зоран Заев, вакцините во првата фаза, односно 4650 вакцини од компанијата Фајзер.
„Како израз на драгоцен чин на пријателство, Србија денес споделува дел од своите вакцини со народот на С.Македонија. Ни пристигна помош и поддршка од 4.680 вакцини. Изминатата година беше тешка, и се уште ништо не е готово. Но, пријателството, соработката и солидарноста излегоа на подем во оваа криза. Нашата денешна средба и настан е резултат токму на овие вредности. Упатувам благодарност до Иван Стоилковиќ, нашиот пратеник кој е на лекување, а имаше голема улога во оваа координација. Тука е и пратеникот Мирослав Јовановиќ“, истакна Заев.