Заев утре во Собрание ќе ја предложи Нина Ангеловска за нов министер за финансии

Премиерот Заев по завршувањето на Централниот одбор на СДСМ соопшти дека утре до Собранието ќе достави предлог за нов министер за финансии. За оваа позиција е предложена Нина Ангеловска.

Премиерот ќе ја предложи и Елизабета Наумовска за нов заменик министер за образование, Кирил Колемишоски за заменик министер за економија и Неџат Мехмедовиќ за заменик министер во министерството за политики систем.

Заев рече дека со ваквиот предлог се испраќа порака дека „младите треба да се ангажираат, да се борат, да се образуваат затоа што високите позиции се достапни за сите “.

На Централниот одбор избрани се пет партиски потпретседатели: Мила Царовска, Коста Петров,Оливер Спасовски, Дамјан Манчевски и Мухамед Зеќири.