Околу 1,4 милиони исламски верници го започнаа својот аџилак во Саудиска Арабија. Од 160 земји, верниците денес одат од градот Мека, некои пеш, некои со воз, започнувајќи го годишниот аџилак.
Во долината Мина, верниците ќе се молат и ќе се одморат пред да заминат за планината Арафат каде на 4 октомври ќе кулминираат ритуалите. Аџилакот е еден од петте столбови на исламот и секој верник кој е во можност треба барем еднаш во животот да отиде на аџилак.
Поради зголемената загриженост за тероризам, особено од Исламската држава, како и поради ризиците од болести, како вирусот мерс и еболата, преземени се низа мерки.
Според саудиското Министерство за здравство, не е забележан ниту еден случај на заразен помеѓу верниците.
Саудиска Арабија која ангажираше 85 000 припадници на безбедносните сили, забрани влез во земјата за државјаните на Гвинеја, Либерија и Сиера Леоне, односно земјите кои се најтешко погодени од вирусот ебола.
Собирот на верниците на врвот на Арафат симболизира очекување на Судниот ден и претставува врв на аџилакот. Ова воедно претставува најголемиот верски собир во светот.