Акто, фестивал на современи уметности… фестивал кој нуди секоја година нова приказна, револуција, акција и уметност под една капа, фестивал кој отвори нови перспективи за креирање и нови простори за апсорбирање на уметност.
Колку потенцијалноста на уметноста да ги руши границите и хиерархиите и да поставува ново поле на креација може да биде релевантна за политичкиот активизам, кој денеска, не само во Македонија, ами во светски рамки, се има соочено со ѕидот на претставничката демократија во која не може да се артикулираат барањата од активистичките- политички движења?
Нo, и после 9 години постоење останува несфатен, или фестивалот на несфатените, или…
Скопјани си имаат и Мобилна галерија која ќе и ја позајмат на Битола на неколку дена за време на фестивалот, а Битола си има архитекти и мајстори кои ја направија Мобилната галерија која си се шета ваму – таму. Галеријата ќе биде поставена во Паркот до Офицерскио дом. Таа е уметност сама за себе, уметност во функција на уметноста.
За сите оние кои се барем малку отворени за современа уметност го претставуваме Акто 9 преку #OlabajNaocari:
Акто е регионален фестивал за современа уметност која вклучува визуелни и изведувачки уметности, музика и теорија на култура.
Целта на Акто фестивалот е отворање на културните рамки на едно современо општество преку нивно репоставување и дефинирање во нов контекст.
Својата програма ја развива врз основа на два концепти:
Едниот концепт е просторот, односно фестивалот ја става уметноста надвор од стандардните простори (галерии, музеи, театри), создава нови физички простори. Фестивалот дозволува трансформација на уметничкото дело по параметарот ПРОСТОР.
Другиот концепт е темата на фестивалот.
Чекан или огледало? Е темата која оваа година ја разработува фестивалот и истата е дел од серијата дискусии насловена „Возможно/невозможно – дијалектиката помеѓу политичкиот активизам и уметноста”.
Уметноста е третирана, користена и апсорбирана како алатка за подобро општество. Односот на уметноста со општествените промени е присутен во секое парче од фестивалската програма…
Перформанси, видео перформанси, дискусии со провокативни наслови, на актуелни теми… Наебавме, You made me so sad. Now, that doesn’t have anything to do with you, Пат низ светот. Неколку причини да се биде во депресија. ДАЛИ БАЛКАНОТ МОЖЕ СОВРЕМЕНО? АБС-ова класна борба во висоообразовниот уметнички систем, Плоштад на анонимниот уметник, Се е тоа филм, Работниците го изедоа својот празник , Контрола, Сакам…итн