Денеска во Скопје започнува третата по ред Светска конференција за меѓурелигиски и меѓуцивилизациски дијалог.
110 странски и 150 домашни гости ќе дебатираат на тема „Слободата и достоинството – основни вредности во меѓучовечките, меѓурелигиските и меѓукултурните односи“.
Според Лидија Топузовска од Националната канцеларија на УНЕСКО имало голем одзив за конференцијата, бројот на странските учесници би бил и 200, зашто само се пријавувале на веб-станицата. Сепак се водело сметка за географската застапеност и на конференцијата ќе има застапници од сите континенти.
Најголемата верска исламска заедница во МАкедонија како што најави поради игнорантскиот и лицемерен однос на државата кон ИВЗ ја бојкотира конференцијата.
Од ИВЗ велат дека на трпението му дошол крајот и затоа ИВЗ не може да чека за да се решат прашањата акумулирани со години како што се Чарши џамија во Прилеп, џамијата во Лажец, крстовите над саат кулите во Прилеп и Битола, како и недоделување на земјиштето за изградба на џамија во центарот на Скопје како дел од проектот 2014-та.
Вчера претседателката на Комисијата за односи со верските заедници Валентина Божиновска однесувањето на челниците на ИВЗ го оквалификува како политичка партија, а не на верска зедница.
-Токму Меѓународната конференција е место за дијалог, со ова и се нанесува штета на држава. Ова не е својствено на верски лидер кој треба да повика на меѓурелигиско разбирање и човекољубие изјаво Божиновска.