Комичарот Володимир Зеленски победи во вториот круг од претседателските избори во Украина, покажуваат излезните анкети.
Според овие податоци, тој освоил дури 73 проценти од гласовите. Тој победи и во првиот круг од гласањето пред три недели, кога имаше 39 кандидати.
Зеленски го победи актуелниот претседател Петро Порошенко, кој освоил 25 проценти од гласовите.
Порошенко го призна поразот на претседателските избори во таа држава. Тој рече дека нема во целост да се повлече од политика.
Претседателот на Украина има значајни овластувања во врска со безбедноста, одбраната и надворешната политика на земјата.