Земјотрес во Италија почувствуван во неколку европски земји

Неапол: Земјотрес со јачина од 5,9 степени според Рихтеровата скала ја погоди Италија во текот на ноќта, објави Европско-медитеранскиот сеизмолошки центар.

Епицентарот на земјотресот бил на отворено море, на длабочина од 375 километри и на оддалеченост од 43 километри од Неапол.

Според извештаите објавени на веб-страницата на EMSC, земјотресот бил почувствуван во неколку европски земји.

Досега нема извештаи за повредени или материјална штета, објавува „Кориере дела Сера“. Не е издадено предупредување за цунами.