Кандидатот на „Сојузот за иднината“, за градоначалник на општина Центар Андреј Жерновски, денеска со остри реакции за новите активности од општина Центар кои заградија уште една зелена површина спроти хотелот „Бристол“ со намера за градежни активности.
„Ако мислеа дека ќе славиме и дека денеска ќе можат да го направат ова, се лажат бидејќи ние веднаш се зафаќаме со работа“, истакна Жерновски.
„За време на кампањата кажавме дека ниту еден сантиметар од зеленилото во Општина Центар нема да има промена доколку тоа не биде верификувано од жителите од страна на општина Центар“, додаде Жерновски.
Жерновски дециден – Ревизија на проектот „Скопје 2014“ ќе има.
Поддршка за ставот на Жерновски и од „Плоштад Слобода“
„Граѓаните на општина Центар одлучија што сакаат да се случи со „Скопје 2014“. Гласаа за на првата седница на Советот на општината, парковите кај „Бристол“ да си останат паркови и да излезат од ДУП-от како градежни парцели“, рекоа од „Плоштад Слобода“.
Пред неполн месец екипата на НОВА беше на местото каде што се одвиваат овие градежни активности.
Луѓето од околните згради тогаш се пожалија на „прашината и неподносливиот звук на градежни машини“, кои за нив е секојдневие. Алармираа и за дупките за ограда кои се прават веднаш до носечките столбови од нивната зграда.