Невладините реагираат, студентите повторно изостанаа, а дел од универзитетите му честитаат на министерот Абдулаќим Адеми за реформата за екстерното тестирање на студентите.
Вака помина првата отворена дебата за предвидената измена во Законот за образование според која студентите на сите државни и приватни универзитети во земјава ќе треба да полагаат државен испит на крајот на втората и четвртата година од студиите.
-Со реформата за екстерно тестирање немаме намера никого да казниме, ниту да наградиме, туку сакаме да видиме дали студентите имаат кредибилна диплома и каков е квалитетот на работа на факултетите, изјави министерот за образование и наука Абдулаќим.
На денешната дебата не се појавија оние кои се најподложни од измените на законот -студентите. Доколку се усвојат измените, тие ќе го бранат своето знаење преку државен испит, кој ќе биде комбинација од сите изучени предмети и од сите години на студирање.
-Во законот за високо образование постојат механизми за проверка на квалитетот и тоа е одредба на Одборот за акредитација и еволуација. Меѓутоа, сега за сега не се евидентираат тие одредби и МОН излезе со ваква идеја . Ако се одлучиме студентите да полагаат државен испит на крајот од втората и четвртата година, тој испит ќе се состои од прашања од сите предмети кои ги поминале дотогаш, вели Адеми.
Според претставничката на Македонскиот образовен форум, Марија Мирчевска, со ваквите измени се косат со автономијата на универзитетите, како и со правото за студирање.
-Ако утврдуваме дека има компликации во високот образование, логично е да работиме на нивно подобрување, а не на воведување нови реформи, истакна Марија Мирчевска од МОФ.
За идејата на оваа реформа, универзитетите се со поделени ставови.
Според деканот на Државниот универзитет во Тетово, Агим Нухиу, ваквата идеја е за поздравување, бидејќи според нив, тоа ќе го зајакне кредибилитетот на студентите и професорите.
Од друга страна, од Меѓународниот универзитет во Струга, велат дека ваквата реформа треба да биде поквалитетна за средношколците, за да не мора истата да се применува и на факултетите.
Идејата за екстерно тестирање на студентите ја разбранува јавноста од самиот почеток. Досега студентите двапати одржуваат собири, но со мала бројот и без конкретни мерки за справување со новата реформа. Единствено што јавно побараа е тоа и професорите да ги поддржат