Најмалку 14 луѓе загинаа во протестите низ Турција кои се организирани поради одбивањето на властите да спроведат воена акција против џихадистите на групата Исламска држава и заземањето на делови од курдскиот стратешки град во Сирија, Кобани.
Во Истанбул и најмалку шест други градови низ Турција дошло до судири меѓу полицијата и демонстрантите што протестираа поради напредувањето на џихадистите од ИД. Повредени се и десетина лица.
Демонстрантите во текот на изминатата ноќ поставија барикади во неколку населби на Истанбул и фрлале камења и димни бомби врз полицијата.
Од страна на полицијата бил употребен солзавец и водени топови за растурање на протестоте во градовите Дијарбакир, Батман, Ван, Сирнак и Хакари кои се со претежно курдско население.
Над 2.000 сириски Курди, меѓу кои жени и деца, се евакуирани од Кобане, додека борците на ИД напредуваат кон центарот на градот. Џихадистите од ИД во понеделникот заземаа три населби во сирискиот град Кобане, на границата со Турција.