По цели 33 години власт на Роберт Мугабе, Зимбабве денес гласа на претседателски и парламентарни избори.
Иако гласањето е организирано по брза постапка, досега ниту Африканската унија, ниту Заедницата на земјите од Јужна Африка, единствените две организации кои имаат право да испратат набљудувачи на изборите, не сигнализираа прекршување на демократските принципи, како што обвинуваат активистите за човековите права.
Мугабе (89) се надева дека на изборите ќе го победи неговиот најголем опонент, досегашниот премиер Морган Цвангирај.
Кохабитацијата во власта меѓу Мугабе и Цвангирај беше наметната во 2009 година од страна соседите на Зимбабве, со цел да се избегне граѓанска војна, која можеше да го дестабилизира регионот.
Во текот на четиригодишниот период на Владата на национално единство земјата доби нов устав, кој беше одобрен на референдум во март годинава.
Меѓу, според „Амнести интернешанл“ ветените демократски реформи не се спроведени.