На 67-от Кански фестивал победи фаворитот. Турскиот режисер Нури Билге Џејлан ја доби Златната палма за својот филм „Зимски сон“.
Филмот на турскиот режисер беше фаворит уште во предвечерјето на филмскиот фестивал во Кан. Билге Џејлан со години се вбројува во најдобрите режисери во Европа, но ова е неговата прва Златна палма. Во неговиот тричасовен опус „Зимски сон“ Билге Џејлан дава критички, но и елегичен поглед на турското општеството.
Втората награда во Кан и‘ припадна на италијанската режисерка Алис Ровахер. Таа ја освои „Големата награда на жирито“ за социјалната драма „Чуда“.
Дел од продукцијата на филмот е германска. И младото канадско „чудо од дете“ Ксавиер Долан доби награда на овогодинашниот Кански фестивал. Тој ја доби наградата на жирито за своето дело „Мама“. Наградата за најдобро сценарио отиде во рацете на Русинот Андреј Звјагинцев за филмот „Левијатан“.
Изненадувања немаше при наградувањето на актерите. Најдобра во женска конкуренција беше Џулијан Мур за улогата во канадскиот филм „Патокази до ѕвездите“ на Дејвид Кроненберг, додека за најдобaр актер е прогласен Тимоти Спал за улогата во филмот „Господин Тарнер“ на Мајк Ли.