Доскорешниот одговорен уредник и новинар во Алфа телевизија, Зоран Иванов, откако вчера доби отказ денеска до јавноста испрати своја реакција.
„Вулгараната дневна политика го купи, го присвои, го окупира целиот македонски медиумски и новинарски простор. Го промовираше во картелска пропагандна машинерија, ги обесправи и ги понижи новинарите и ги вјарми во алатки за бесрамни манипулациии.
– Во плурална Македонија новинарството ја загуби смислата. Тоа стана егзекутива на политиката управувана од владејачкиот партиски пропаганден центар“, вели Зоран Иванов во својата денешна реакција до јавноста.
Тој се откажува и ги враќа сите свои новинарски награди – трите државни „М.Х. Јасмин“, двете „К.П. Мисирков“ за најдобар новинар на годината, наградата за Животно дело во новинарството и сите други многубројни новинарски награди и признанија.