Градскиот трговски центар е критика на дотогашниот интернационален стил кој владеел во архитектурата во Европа и во светот, на крајот на 50-тите и почетокот на 60-тите години на 20. век.
„Овој објект во времето кога се градеше беше еден од најсовремените во Европа, беше првиот претставник на т.н. концепт на отворена естетика што го започнаа германските и холандските архитекти
Живко Поповски работеше во Холандија и беше близок со тогаш, најголемите архитекти, како Ван дер Бруек и нивните идеи – кои тектонски ја поместија архитектурата – ги донесе во Скопје“, вели за НОВА, проф. Јасмина Силјановска од Архитектонскиот факултет.
Утре, со петиција и со жив обрач околу ГТЦ, во организација на Асоцијацијата на архитекти, граѓаните ќе се обидат да го спасат симболот на модерно Скопје.