Ова е политички организирана хајка против МИТ Универзитетот бидејќи јавно го посочив Груевски за сите неправилности за акредитациите кои требаше, а не можеме да ги добиеме. Ова вечерва за НОВА го изјави Биљана Апостолова сопственичкана МИТ Универзитетот. Таа тврди дека оваа хајка се врши преку Оливер Андоновски поранешен вработен кој беше избркан од МИТ, а сега е заменик министер во МВР.https://novatv.mk/politsijata-upadna-na-mit-univerzitetot-vo-skopje/
„Ова е координирана акција. Единици на ЕБР и наоружани полицајци рано утринава биле во домот на моите родители во Македонски Брод, во мојот дом во Аеродром и другите два објекти на Универзитетот. Информациите кои се појавија на некои медиуми дека се пронајдени индекси на турски студенти, уште пред МВР да излезе со официјални информации се нелогични. Ние имаме студенти од секаде, но индексите не се релевантен доказ дека тие се запишани на факултет, туку книгите во кои се наоѓаат сите податоци“, изјави Апостолова за НОВА.
Апостолова потврди дека и се одземени двата телефони, како и телефоните на ректорот и на нејзиниот син. Нема уапсени, но инспекторите и полицијата се уште се наоѓаат во објектот во центарот на Скопје каде ја чешлаат целокупната документација.
Како што објави НОВА, утрово полицијата направила упад во просториите на МИТ универзитетот во сите три објекти во градот. Инспектори од МВР, од Управата за јавни приходи и од Министерството за образование, во придружба на наоружани полицајци по налог на ОЈО ја проверуваат целокупната документација на Универзитетот.