Продолжува надзорната расправа за вториот шестмесечен извепштај на СЈО во Собранието.
И денеска исто како и вчера не стивнуваат провокативните прашања од пратениците на власта кон обвинителката Катица Јанева и бурните реакции на истите пратеници на нејзините одговори. Пратеникот од ВМРО ДПМНЕ Антонио Милошоски ја праша Јанева колкав е нејзиниот личен капацитет за водење на СЈО.
-Дали вие како обвинител сте воделе случаи каде за кривични дела чија казна е над 5 години? Дали сте воделе случај во Гевгелија за злосторничко здружување и какво е Вашето портфолио? Дали согласно денешните критериуми сметате дека би успеале да влезете во Академијата за судии и јавни обвинители, праша Милошоски.
На ова, Јанева која цело време расправата ја следи со слушалки, прокоментира дека го слушала Милошоски концентрирано, исто како што слушала и во прислушуваните разговори.
-Сконцентрирано го слушав господинот Милошоски, бидејќи го слушам и во незаконско прибавените разговори и го знам многу убаво неговиот личен капацитт, а за мојот личен капацитет, шеф ми беше обвинителот Марко Зврлевски, он нека каже, одговори Јанева.
Седницата е во тек.