По падот од тераса и операцијата на КАРИЛ, фолк-пеачката Соња Тарчуловска, вели дека се чувствува добро и во изјава за дневниот весник “Вест” ги открива деталите како се случила несреќата.
„Се качив на столче да раскитувам и по некое време ја слушнав Мелани како вика по мене и ми го носи телефонот, зашто ме барала сестра ми. Како што се свртев да го земам телефонот, така ми се лизна ногата и одлетав“, вели Соња.
Кога заѕвонел телефонот, нејзиниот сопруг Јохан Тарчуловски заминал пред зграда да се најде со некој другар, кој требало да му донесе капи за да ги однесе во сабота во Смилево, каде што требало да присуствува на генералното собрание на здружението на бранителите БЕДЕМ.
„Се симнував по скалите кога слушнал како Мелани вреска по мене: – Тато, мама падна!, раскажува Јохан. Јас веќе бев стигнат до приземјето и кога го слушнал гласот на Мелани, почнав да трчам нагоре. На скали се сретнав со една комшика, која трчаше надолу и ми рече: Едно дете падна! Кога влегов внатре и кога ја прашав Менални каде падна мајка и, таа низ солзи ми рече: Тато мама падна од тераса! Ми се стресоа рацете и нозете По пет скали скокав за да стигнам побрзо. Веќе долу ја видов Соња како лежи.
– Веднаш виканвме Брза помош, со возилото заминав и јас. Цела ноќ преседов во болница, чекав да помине операцијата. Кога докторот ми кажа дека е успешна, заминам во црквата Света Богородица да запалам свеќа“, вели во изјава за дневниот весник “Вест”, Јохан.
Полицијата по направениот увид установи дека станува збор за несреќа, која се случи во петокот околу 19 часот.
Фото: Вест