Десетина уметници, денеска јавно и’ се заблагодарија на министерката за култура, Елизабета Канческа-Милевска, за време на прес конференцијата на која, таа ги промовираше престојните активности кои министерството ги планира за меѓународна промоција на македонската култура.
Меѓу уметниците кои и’ се благодарни на министeрката Канческа Милевска беше и писателот и професор, Венко Андоновски
– Имам впечаток дека ова министерство работи турбо на промоција на Македонија. Ние често говориме за проблемот со името на РМ и се разбира дека тој проблем ќе се турка во рамки на институциите. Меѓутоа, оваа иницијатива на Министерството ја гледам пред се како легитимен начин на борба за името. Нема ништо повредно од тоа кога на литературна вечер во странство ќе ви пристапат луѓе и ќе ве прашаат каде е Македонија или до каде сте со проблемот со името. Ова не е само културна акција за која ние имаме огромна желба и огромна поддршка од ова Министерство, туку ова е и дел од таа борба за нашиот идентитет и име. Огромна благодарност до министерството, ретко имаме министерката во Владата која толку се труди за културата на својата земја – рече Андоновски.
Актерката и директорка Јелена Жугиќ, пак, е и’ благодарна на министерката затоа што ги поддржала гостувањата на овој театар на два фестивали надвор од земјава.
Меѓу културните дејци кои се поддржани од стретегијата на министерството и кои присуствуваа на прес конференцијата се виолинистот Александар Јордановски, актерот Петар Темелковски и директорот на НУБ „Св. Климент Охридски“, Миле Бошески.