На вчерашното затворање на 16. издание на Скопје филм фестивал, беше прогласен најдобриот филм. Според гласањето на публиката за најдобар филм е избран „Лов“ на данскиот режисер Томас Винтерберг, а од програмата „Eye on films” филмот „Куќа со кула“ во режија на Ева Нејман.
– Сакаме да ве информираме дека во текот на изминатите девет фестивалски дена имавме повеќе од 10 илјади посетители, велат организаторите на СФФ.
Фестивалот го затвори рускиот филм на режисерот Кирил Сребреников во кој главна улога има македонскиот актер Дејан Лилиќ.