25 години по потпишувањето во Охрид , обвинувања, фалби, злоупотреби и барање за негово надградување и проширување од политичките актери во државата. Јубилејот денеска го честиташе и државниот врв откако на владина седница министерот и вицепремиер Александар Николовски заедно со вицепремиерот Беким Сали исто така порачаа дека овој договор е пример за соживот кој учи на заедничко живеење и почитување на различностите. Сепак Николовски не пропушти прилика да го впери прстот кон ДУИ дека тие го користат и за партиски поени .
Од Струга пак шефицата на државата Гордана Сиљановска Давкова пак порача дека токму ова е градот кој е елоквентен пример за почитувањето на различностите и вистинско спроведување и во пракса на Охридскиот рамковен договор .
Од ДУИ пак порачаа дека Охридскиот договор не може да се прифаќа селективно: да се почитува таму каде што и одговара на власта, а да се заобиколува таму каде што ја гарантира еднаквоста. Таквиот пристап претставува сериозен ризик за општествената кохезија, меѓуетничките односи и долгорочната стабилност на Северна Македонија.
Демократската унија за интеграција беше носител на процесот на претворање на Охридскиот договор од мировен документ во уставна, правна и институционална реалност. Охридскиот договор не е затворено поглавје од историјата. Тој е темелот врз кој стојат стабилноста, еднаквоста и европската иднина на Северна Македонија.
Лидерот на Алијанса за албанците Арбен Тараври пак со барање за нов договор
Охридскиот рамковен договор беше потпишан на 13 август 2001 по конфликтот во претседателската резиденција на Водно на тогашниот претседател на државта Борис Трајковски и тогашниот премиер Љубчо Георгиевски но и лидерите на СДСМ Бранко Црвенковски , на ПДП Имер Имери и на ДПА Арбен Џафери