Во Дебар кривична пријава за сопружници за измама

Дебарската полиција поднесе кривична пријава за „измама“ и „злоупотреба на лични податоци“ против А.Ц.(39) и Ќ.Ц.(46), сопружници од Дебар. Сопружниците во периодот од 2010 до 2022 година, во неколку наврати изманипулирале повозрасна жителка од Дебар која, од една банка и две финансиски друштва, подигнала кредити и им ги дала како заем, а тие и ветиле дека парите ќе и ги враќаат на рати.

Сопружниците ги злоупотребиле личните податоци од личната карта на дебарчанката и од нејзината е-маил адреса, и во нејзино име поднеле и онлајн апликација за добивање брз кредит по што ги подигнале парите од нејзината трансакциска сметка. Со тоа, како што соопштува полицијата, се стекнале со противправна имотна корист од  777.000 денари.