Во вистинската битка да се фати светиот крст во Охридското езеро, триесет и пет фаќачи добиле сериозни смрзнатини.
Причина за тоа била ладната вода, но и долготрајното барање на крстот на езерското дно кое траеше повеќе од 15 минути.
-Имавме околу 25 интервенции поради смрзнатини,посекотини и други повреди за време на фаќањето на светиот крст. Сите што имаа вакви здравствени проблеми се навреме згрижени од страна на медицинските екипи кои го следеа целиот тек на црковната манифестација. Ниту еден од нов не беше животно загрозен, велат од Црвениот крст од Охрид чии екипи беа во Езерото и на кејот.
На градското пристаниште во Охрид, денес, на Богојавление, светиот крст во Охридското езеро го фати Јова Бабаче. Тој по осми пат го фаќа крстот.
Во езерските води се фрлија околу илјада фаќачи на крстот кои го бараа на езерското дно околу 15 минути што до сега не се случило.
Крстот во Езерото од бродот Александрија го фрли митрополитот на Дебарско-кичевската епархија г.Тимотеј. Нему му следи и посебен крст изработен од залто, сребро и дрво што на фаќалот му го дава годинешнов кум за Водици Стојан Ѓоргоски.
Манифестацијата на фаќање на светиот крст и осветувањето на езерските води ги следа над 10 илјади верници од земјава и од странство.