Четврти јули е национален празник во Соединетите Американски Држави.
Се одбележува секоја година како Ден на независноста. Празникот го слави донесувањето на Декларацијата за независноста во 1776 година кога 13-те британски колонии на територијата на денешните САД прогласиле независност од Британската империја.
На 4-ти јули 1776, Вториот Континентален Конгрес одржан во Филаделфија, Пенсилванија, ја усвоил Декларацијата чиј главен автор бил Томас Џеферсон. Таа е еден од најзначајните документи во американската историја и со неа формално се објавува дека колониите повеќе не се потчинети на британскиот крал Џорџ III.
Претседател на САД во тој период немало затоа што државата сѐ уште не била официјално формирана.
Првиот претседател, Џорџ Вашингтон, стапил на функцијата дури во 1789 година. Така, во 1776, САД биле во фаза на формирање на својата независна власт и уставен поредок.
Првиот организиран огномет по повод Денот на независноста бил во Филаделфија во 1777 година, само една година по прогласувањето. Од тогаш, празникот се прославува со паради, огномети, музика, семејни собири и патриотски говори. Официјално станал федерален празник во 1870 година, а од 1941 година е со платен неработен ден за сите федерални работници.
4-ти јули денес има силна симболика. Претставува идентитет, слободата и самостојност на американскиот народ. Воедно, овој ден потсетува на принципите на демократија, еднаквоста и индивидуалните слободи врз кои е изградена американската правна држава.
Иако е празник на САД, влијанието на настаните од 1776 година е глобално. Декларацијата инспирирала многу други народи и движења кои се бореле за слобода и независност.