Во Специјалната болница по гинекологија и акушерство „Мајка Тереза“ во скопски Чаир завчера се породила 50-годишна пациентка од Кичево, која цели 27 години лекувала стерилитет.
Ова е досега највозрасната родилка која се породила во оваа болница, според евиденција во установата.
Веста, која ја објави ТВ 24, ја потврдија за НоваТВ од болницата.
– Родилката е од Кичево, а се породи завчера. Таа роди здраво женско новороденче, кое е зачнато од втор обид со вонтелесно оплодување, а ќерката ѝ е инаку прва рожба на жената. Жената ја породивме со „царски рез“, а и таа и бебето се во добра состојба и ќе бидат пуштени дома наскоро – ни изјавија од болницата.
Пацинетката била хоспитализирана во болницата во Чаир три дена пред да се породи.
Оттаму велат дека медицинскиот тим од оваа установа – гинеколози и сестри, успешно ја третирале пациентката во текот на целата бременост.