Минатата година од Македонија се изнесени 93,5 милиони долари , на островот на бананите, Сент Винсент и Гренадини, отркива анализата на неделникот Капитал.
Освен на Карибите, милиони долари од Македонија лани се одлеале и во Словенија ,41, 2 милиона Холандија 20,5 милиона, Унгарија 15,1 милиона, Црна Гора 1,2 милиона. Иако не се појавува во финалната статистика на Народната банка, Грција исто така повлече повеќе од 90 милиони долари од грчките компании што работат во земјава.
Гувернерот на НБМ, Димитар Богов, уште лани предупреди дека големи суми се изнесуваат од странските фирми во Македонија кон нивните централи надвор.
Ниту гувернерот, ниту статистиката на НБМ не откриваат кои се фирмите што одлучиле да ги извадат парите надвор од Македонија, меѓутоа, интересна е анализата на одлив на капиталот по сектори. Податоците покажуваат дека најмногу пари лани се одлеале од компании што се занимаваат со рударство, и тоа 89,3 милиони долари.
Од банките и осигурителните компании е евидентиран одлив на 56,9 милиони долари, од компаниите од прехранбената индустрија 39,8 милиони долари. Значителни се и сумите што се одлеале од градежни и трговски фирми, пишува во анализата на неделикот Капитал,