Советот на Европа на 130 страници ги даде своите коментари и забелешки на нацрт-законот за медиуми во Македонија. Зголемената опасноста од контрола на власта во Агенцијата за радиофизија е главната забелешка во анализата на Советот на Европа.
За да се зголеми независноста агенцијата, односно новото тело кое треба да ги регулира медиумите, тие предлагаат членовите во советот да се бираат со двотретинско мнозинство во парламентот, да се намали бројот на членови кои ги предлага Собранието, а да се зголеми бројот на членови кои ги предлага невладиниот сектор.
– Независноста на Агенцијата единствено може да се осигура доколку процесот на номинација и изборот на членови на Советот е ослободен од еднострано политичко влијание колку што е можно повеќе. Владејачката партија ќе има доминантно влијание преку преку номинирањето членови од страна на Комисијата за избори и именувања и назначувањето на кандидатите во парламентот затоа што и на двете места им е потребно просто мнозинство.
За да се избегне оваа опасност, треба да се бира со двотретинско мнозинство, пишува во анализата на Советот.
Тие препорачуваат да се зголеми бројот на номинации од невладиниот сектор на сметка на номинациите од политичките тела. Исто така, предлагаат да се намали мандатот на членовите на Советот и да биде помеѓу 5 и 7 години, наместо предложените 9.
Советот на Европа препорачува да се изземат печатените медиуми и интернетот од регулацијата, а уште посилни се забелешките тоа да се прави во еден закон.
– Затоа, не без причина третманот на печатените медиуми и аудиовизелните медиумите се во одвоени закони генерално во Европа и тоа со многу послаб режим за печатот. Регулацијата на сите медиуми во еден закон претставува опасност од недоследности, прекумерна регулација и не е јасно од каде потребата за таков сеопфатен закон, забележуваат експертите од Советот на Европа.
Дефинирањето на новинарот за Советот на Европа е рестриктивно и неприфатливо во формата во која е дадено во законот, а и дефиницијата на медиумски издавач ја сметаат за контрадикторна.
Забелешки има за речиси секое поглавје од законот. Со слични аргументи е и анализата на ОБСЕ која излезе минатата недела.