Претседателот Ѓорге Иванов смета дека пречките за доделување мандат се уште не се отстранети, ја пренесува телевизија 24, информацијата од од Кабинетот на Претседателот.
– Претседателот Иванов останува на ставот изнесен во обраќањето до граѓаните на Република Македонија на 1 март 2017 година. Пречките за определување мандат за состав на влада се уште не се отстранети, се вели во ставот од Кабинетот на претседателот на Република Македонија.
Во петокот минатата недела, претседателот на СДСМ Зоран Заев ја презентираше програмата на новата влада, во партиското седиште, бидејќи како што рече ускратно им е правото тоа да го направат во Собранието, поради тактизирањето на претседателот Иванов во врска со доделувањето на мандатот. Заев притоа рече дека „нема да воведуваат нови пракси“ и ќе го чекаат претседателот Иванов да и го даде мандатот во рок од 10 дена. Тој најави дека во текот на денот во писмена форма ќе му ја достават програмата и на Иванов.