НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025

Интервју со Мирче Јовановски: Последиците од царините на САД – губење работни места и странски инвестиции и намален извоз

April 3, 2025

Интервју со пратеничката на СДСМ Славјанка Петровска: Ни треба повеќе храброст но не во ветувањата туку во исполнувањата

March 25, 2025

Subscribe to Updates

Get the latest creative news from FooBar about art, design and business.

НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Жена- маж со брада и бујна коса

0
By Биљана Секуловска on April 1, 2017 КОЛУМНА
СПОДЕЛИ
Facebook Twitter LinkedIn Email

Не престанува забавата, секој ден од неделата може да се прогласи за пародија на деценијата. Барем кога е ДУИ во прашање, не им недостига свежина на идеите со кои со засилено темпо не поклопуваат.

Како со тенџере да не треснуваат, за да се движиме сите заедно со нив, како зашеметени, едни во други да се удираме, додека тие ги менуваат поклопците и диригираат со залутаната војска.

Ве молам, погледнете ја последната ингениозна идеја која не заплисна, тие, внимавајте- тие, а не некој друг, размислувале нивните министри да излезат од Владата со ВМРО.

По кој пат најавуваат ваков пресврт, ваква циркуска точка на трапез, каде жената-маж со брада и бујна коса се подготвува да помине низ пламените обрачи, на јен-два-три, сега.

Сепак, таа одбива да се покори на советите да се скроти со призакрпена коса во пунџа, како што и доликуваше на една другарка од маштапот на Јованка Броз. За да не и се лизне некој прамен во огнот кој во поетски транс ќе ја голтне, таа треба тоа да го стори, да ја присобере косата, но не, не е Ахмети и толку наивен во циркускиот егзибиционизам кој го разигра до екстремни граници за да остане со Груевски.

Низ “Тешкото” ДУИ и никогаш не биле подготвени да се протнат, да залутаат барем, да се охрабрат и макар низ врисок да поминат, тоа е таа партија која скоро цела деценија лешкареше и велеше дека страда од тортурата која ја приредуваше ВМРО, но, но.

Доприносот беше взаемен, можат колку што сакаат да креваат раменици, да се изземаат и преглумуваат со нивните “ох” и “ах”, да се движат низ сцената како покосени, ранети и нежни клукајдрвчиња, но не, сега повеќе никој од тоа ништо не верува.

Тие, а не некој друг во околината клукаа и ги изоструваа клуновите, само тие и тие ја водеа и губеа играта, битките можеби ги добиваа, но како што поминува времето, нивното време на храбри и лукави генерали полека се исцедува.

Има таму и пркосни, одважни, дрски генерали кои одбиваат да се согласат на пионската партија во која се втурнати, малку се на број, конечно Теута Арифи никогаш не се вклопувала во таа покорна атмосфера, иако понекогаш и била принудена да биде проголтана, во име на  мирот и бесата која била дадена во партијата.

Токму и затоа, заради султанскиот манир на оваа партија, сцената на устоличената ДУИ во албанскиот блок се разголува, тоа е сцена како во театар, за да бидат преместени други актери на нивното место, со студени потези и олеснување. Веројатно на следната актерска постава ќе се наметне Беса, партијата која слично како ДУИ, настапува со истата реторика, тоа е истиот наратив за големи, искрени желби за европеизација, демократија, слобода, итн., да не го трошиме залудно драгоценото време на набројување на се она што сме слушале низ годините од некои други партии, за истите идеали, соништа, кои прераснуваат во разочарувања.

Но, боже мој, тоа е политиката- гласачите секогаш даваат шанса и имаат надеж за нови, неупотребени актери, затоа што маратонот на наивните и невините конечно има и некаква цел.

Бели

Се додека не се потрошат сите актери, а тоа се разбира дека никогаш не се случува, дајте аплауз за новата партија во Србија и на лидерот Љубиша Прелетечавиќ Бели (вистинското име му е Лука Максимовиќ), кандидат за нов претседател во оваа земја, во слободно време комичар и обратно.

Се работи за млади и безобразно духовити луѓе кои сакаат само едно- да докажат дека политиката е губење време за идеалите и надежта. Потребно е да се исмеваме со политичарите, наместо тие тоа да го прават- со своите гласачи. Има една песна на Чарлс Буковски, одат вака неколку стихови:

Обнови се

и преобнови се

не пливај вечно во истата кашавица…

Насловот е исто така важен колку и се во оваа песна, а тој  наслов понекогаш треба да не удира во слепоочницата: “Без лидери, ве молам”.

 

 

 

 

Share. Facebook Twitter LinkedIn Email
ТИКЕР

УНЕСКО бара пристап до образование за авганистанските жени

August 15, 2025

ЕУ повика на прекин на „секоја ескалација на тензиите“ во Србија

August 14, 2025

Телата на четворица мажи пронајдени во водите на Сена крај Париз

August 14, 2025

Лондон и Берлин подготвуваат директна железничка врска преку Ламанш

August 14, 2025

ИНСТАТ: Населението во Албанија продолжува да се намалува, во првата половина од годинава пад на наталитетот за 7 отсто

August 13, 2025
ФОКУС

Белград: Вечерва Србија врие – протести и инциденти речиси во сите градови

ВЕСТИ August 14, 2025

Најжешко е во центарот на српскиот главен град. Илјадници демонстрант предводени од движењето „Студентски отпор“…

123 нови загинати палестинци во израелски напади за последното деноноќје

August 13, 2025

Зеленски: Одлуки поврзани со Украина не можат да се донесат на средбата меѓу Трамп и Путин

August 12, 2025

Сирски: Украинската армија постигнува успех во Суми – ослободува украинска територија

August 12, 2025

Претплати се на е-билтенот на НоваТВ

Добиј ги последните вести на твојата е-адреса.

CIVICA
Facebook
  • Редакција
  • Маркетинг
  • Политика на приватност
© 2025 НОВА ТВ

Type above and press Enter to search. Press Esc to cancel.