На судењето за смртта на родилката Маја Кадиева и нејзиното бебе, сведочеше гегвеличанецот Александар Манчевски, кој како келнер во кафе барот ги служел двајцата лекари. Тој потврди дека двајцата анестезиолози пред породувањето на родилката од Гевгелија биле во кафе бар каде што пиеле алкохол.Манчевски пред судот рече дека лекарите дури поднапиени дошле во кафе барот.
„Тоа попладне, двајцата анестезиолези дојдоа во кафулето во полупијана состојба и за околу два часа колку што останаа, нарачааа по три до четири коњаци и јас ги послужив. Доктор Јовановски, кој сега е починат, го познавав од порано, а доктор Ванчев прв пат го видов. Откако ги испија пијалоците, околу 20 часот и 30 минути станаа и си заминаа“, рече Манчевски на судското рочиште.
За разлика од ова, директорот на болницата веднаш по случајот трдеше дека лекарите не биле пијани и дека тој ќе си даде оставка ако треба. На тоа на судењето го потсети и сопругот на починатата родилка. Адвокатот на обвинетиот гинеколог д-р Венци Чалков е убеден дека на судот ќе му ја докаже невиноста на неговиот клиент.
„Не ми е јасно како сведок може да не се сеќава на каков формулар се водени некои податоци за новородено бебе. Лекарите не го водат тоа, тоа го води персоналот.“ – изјави Бореч Стојанов, адвокат на обвинетиот д-р. Венци Чалков.
За смртта на 32-годишната Маја Кадиева и нејзиното новороденче, кои починаа пред 17 месеци, обвинети се анестезиологот Томчо Ванчев и гинеколозите Венци Чалков и Дончо Москов. Четвртиот лекар кој доби обвинение, анестезиологот Зоран Јовановски почина пред да почне судењето.