Во Турција се креира нов вид на протест против владата на премиерот Реџеп Таип Ердоган – со молчење, додека полицијата барем засега не презема ништо, иако завчера уапси еден човек, инаку кореограф, кој со перформанс на апсење, стоеше мирно на плоштадот. Наречен „Човекот што стои“, всушност тој е пионер на акцијата нем протест.
Во текот на ноќта во Анкара, полицијата употреби солзавец и водени топови за да ги растера стотиците луѓе кои се собраа во и околу владаиниот кварт Кизилаи.
Но, како остар контраст со неодамнешните жестоки судири во неколку градови, стотици демонстранти само застанаа во тишина во Истанбул, инспирирани од човекот кој ги крена социјалните медиуми на нозе од воодушевување, кој 8 часа само стоеше на Таксим.
Демонстрантите стојат и го насочуваат својот поглед кон делот на Културниот центар, на кој стои портрет на основачот на Турција, Кемал Ататурк.
Една млада жена облечена во црно во едната рака држи празен патрон од граната со солзавец, во другата рака – турскиот кривичен законик а некои демонстранти стојат завиткани во турски знамиња.