Францускиот претседател Емануел Макрон и премиерот Едуар Филип го објавија составот на новата француска влада.
Во списокот министри има многу нови лица но и познати политичари.

Министер за надворешни работи е Жан-Лук Ле Дриан, член на Социјалистичката партија и министер за одбрана во досегашната влада на Франсоа Оланд.
Ле Дриан е роден во 1947 година и имал повеќе политичко функции како градоначалник а од 2012 година до сега беше министер за одбрана во повеќе социјалистички влади.
Денес тој стана шеф на француската дипломатија и министер за европски работи.
Мариел Де Сарнез
Во европскиот дел тој добива и помош. Како министер за Европа и државен секретар за европски работи е именувана Мариел де Сарнез, досегашна европска пратеничка во групата на либералите во Европскиот парламент.
Ветено-сторено. Макрон вети дека неговата влада нема да има повеќе од 18 члена. На овие 18 члена се додадени уште 4 државни секретари.
Имињата на најголемиот број нови министри се непознати дури и за француската јавност. Во новата влада има повеќе лица од граѓанскиот сектор. И политичари од двете досега најголеми партии – Републиканската и Социјалистичката партија.
Никола Хулот
Најпознатото име е новиот министер за еколошка и солидарна транзиција Никола Хулот. Тој е вистинска ѕвезда во Франција и голем борец за чиста животна средина кој имаше своја телевизиска емисија посветена токму на чистата природа. Досегашната министерка за екологија Сеголен Роајал изјави дека со лесно срце го остават мандатот кај својот наследник уверена дека тој е вистинската личност за оваа работа.
Министер за правда ќе биде Франсоа Бајру за кој до вчера се тврдеше дека ќе биде шеф на дипломатијата. Министер за економија е десничарот од Републиканската партија Бруно Ле Мер кој беше министер за земјоделство во владата на Никола Саркози.






