СВР Скопје поднесе пријави против уште четворица насилници од 27 април

СВР Скопје информира дека во врска со настаните од 27 април во Собранието на Република Македонија,  вчера на разговор биле повикани лицата Д.М. (28) од Виница, И.П. (39), З.З.(47) и Н.П. (37), сите од Скопје. По извршените разговори се ослободени, а во консултации со Јавен обвинител ќе биде поднесен соодветен поднесок.

По наредба од Судија на претходна постапка, извршен е претрес во дом и други простории кај лицето Ј.Л. (41) од Скопје, при што не се пронајдени предмети со кои е извршено кривично дело или потекнуваат од извршено кривично дело. Со Ј.Л., исто така, е извршен разговор по што бил ослободен. Во консултации со Јавен обвинител против истиот ќе биде поднесен соодветен поднесок.