Бразил го зафатија масовни демонстрации- најпрво народот се собра околу една иконска црква во срцето на Рио де Жанеиро во четвртокот, извикувајќи “Долу корупцијата” и “Можам да живеам без Светското првенство.”
Си-Ен-Ен филијалата Бенд Вест објави дека полицијата употребила солзавец во некои области во градот откако судирите избија.
Полицијата првично пријави десетици илјади демонстранти во Рио де Жанеиро, но подоцна рече дека пораснал бројот на повеќе од 300.000 луѓе.
Еден смртен случај бил пријавен во државата Сао Паоло, каде што еден млад човек беше прегазен за време на демонстрациите, соопшти полицијата.
Надвор од црквата Канделарија, организаторите ги повикаа демонстрантите да маршираат мирно, додека тие го наведоа широкиот спектар на барања насочени кон владата на оваа јужно-американска земја.
Големи демонстрации во Рио де Жанеиро, Сао Паоло и Бразилија дојдоа еден ден откако движењето што започна како протест против 9 отсто зголемувањето на автобуските цени на билетите постигна голема победа. Сао Паоло и Рио де Жанеиро се согласија да ги вратат назад цените на автобуските и метро билетите. Но, дали тоа ќе биде премногу малку, премногу доцна?
Движењето има наeлектризирани луѓе низ целата земја, кои велат дека им е доста од високи даноци и недостаток на услуги – како што се здравството и образованието – додека владата троши милијарди на подготовките за Светското првенство 2014.