Во сабота на 27 мај, скопското кафуле „Излет“ ќе прослави точно 8 години од своето постоење.
Забавата почнува со диџеите Маци Стојановиќ и Самоил Радински, а ѕвезда на вечерта ќе биде познатиот диџеј од Детроит, Гери Мартин.
Истиот ден сопственикот на кафулето „Излет“, Огнен Узуновски со свој диџеј сет во периодот меѓу 13 и 17 часот ќе настапи на фрекфенцијата на Џез фм радиото.
Гери Мартин е еден од хероите на детроитското техно. Уште од 1993 година е сопственик на издавачка куќа „Технотика рекордс“. Неговите испродуцирани музички траки изобилуваат со длабоко емотивна мелодија.
Од „Излет“ велат, пред осум години во срцето на центарот на Скопје се роди ова кафуле, кое, иако е лоцирано во најфрекветниот дел од градот, сепак благодарејќи на пријатната атмосфера и дворот кој изобилува со зеленило, за момент прави да се чувствувате како да сте сосема изолирани од бучавата на метрополата. Понатаму, концептуалните вечери кои години наназад ги има зацртано во својата агенда ова кафуле само го надополнуваат неговиот шарм.
Многу познати македонски диџеи продефилираа низ кафулето изминативе години, претставувајќи го својот избор на музика, и исто толку странски диџеи.
Затоа „Излет“ претставува значајно место околу профилирањето на културниот живот во Скопје, успевајќи сиве овие години на спои неколку генерации на едно место.
– Почнувајки со „Баланс“ промотерската куќа, која се формираше 2000 година ми се случи и првиот контакт со угостителството. Баланс работеше на различни локации од плажите на охридското крајбрежје до скопскиот саем… па се до различни клубови низ Скопје. Така се здобивме со различни искуства, како во промоција на домашни и странски артисти… така и со работа во угостителството… Па така во 2009 одлучив да го отворам Излет Кафе… Замислата околу Излет беше многу слична со тоа што го промовираше „Баланс“ изминатите години на македонската музичка сцена, а тоа се различни музички жанрови претставени од домашни и странски артисти. Морам да напоменам дека ноќниот клубот Сектор 909 имаше големо влијание за отворање на Излет Кафе… Затоа, ова лето публиката ќе може повторно да ужива во летниот ноќен клуб Сектор 909“. Покажете љубов кон „Излет“ оваа сабота, вели Узуновски.