Поранешниот фудбалер на англискиот клуб Њукасл, Шеик Тиоте почина на 30-годишна возраст откако колабирал за време на тренинг во својот нов клуб во Кина.
Репрезентативецот на Брегот на Слоновата Коска во февруари се пресели од Њукасл во Кина.
Откако паднал на тренингот, Тиоте веднаш бил префрлен во болница, но починал иако му се укажувала итна лекарска помош.
Шеик Тиоте одигра седум сезони во Њукасл по трансферот од холандски Твенте, а остана во клубот и кога тој излезе од Англиската Премиер Лига, но забележа само еден настап.
Во текот на својата кариера важеше за борбен играч а беше на мета и на поголемите клубови како Манчестер Јунајтед, Челзи, Арсенал и Ливерпул.
Тиоте настапи на 52 фудбалски натпревари за својата земја.
– Шокиран сум од тажна вест за смртта на мојот поранешен играч и пријател Чеик Тиоте. Од моментот кога пристигнав во Њукасл тој беше одлично со своето присуство во соблекувалната, а неговите настапи за овој клуб често покажуваа верба. Неккогаш го покриваше секое парче од стадионот и не ме чудеше што тимови како Манчестер Јунајтед сакаа да ни го земат, вели Алан Пардју, кој го тренираше Тиоте во Њукасл четири години.