Руските власти ја суспендираа работата на најпознатата невладина организација „Голос“ во период од шест месеци бидејќи невладината одби да се регистрира како „странска агентура“ согласно новите руски закони.
„Голос“ важи за една од најреспектабилните невладини организации која ги следи изборните процеси во Русија, а постои повеќе од 13 години. Забраната е донесена според одредбите на контроверзниот закон за дејствувањето на невладиниот сектор во Русија, кој предвидува секоја организација што добива донации од странство мора да се регистрира како „странска агентура“ или ќе биде затворена.
На својата интернет-страница организацијата најавува дека ќе се самораспушти, а дека потоа одново ќе се формира под друго име.
За време на изборите во 2011 година „Голос“ откри измами во изборниот процес, како и во самото гласање, за што беше критикувана од домашните власти.
Властите тврдат дека организацијата прима пари од УСАИД, а и се замерува и за примањето на паричната награда од еден норвешки комитет за човекови праувава. Властите побараа „Голос“ да ги врати сите пари.