„Оливер Твист е дело кое одамна сум сакал да го поставам, но да бидам искрен дури сега се почувствував спремен и уметнички зрел“, вели за НОВА, режисерот Срѓан Јаниќиевиќ.
Оперетата за деца „Оливер Твист“ завчера беше премиерно прикажана во Тетарот за Деца и малдинци во Скопје, а е насочена кон децата на возраст од десетина години и поголеми.
„Оливер Твист е дело кое е напишано во ерата на индустриската револуција и почетокот на најсуровиот капитализам кој со својата бруталност, неправедност и лакомост не потсетува дека не сме се поместиле скоро воопшто во исправањето на она што Дикенс го критикувал“, вели Јаниќиевиќ.
„Ако го погледнеме револтот кон овој систем низ целиот свет како на пример Occupy движењето против социјалната и економска нееднаквост ќе видиме дека сме во идентична, ако не и полоша ситуација од пред 200 години. Мислев дека е потребно овие етички вертикали кои Дикенс толку јасно и чисто ги поставува во Оливер Твист треба да им се доближат на младите “дами и господа” и да влијаат врз нив како што влијаеле и на мене кога бев дете. Тоа беше причината да го поставам ова дело на сцената на Театарот за деца и младинци.
– Претставата е навистина многу комплексна и бараше од сите нас да се вложи огромна енергија, но сепак мислам дека сите уживавме во целиот процес и тоа вчера се виде по реакцијата на публиката“, смета режисерот.
Музиката, која е значаен фактор во една оперета е дело на Игор Василев-Новоградска, додека корепетитор е Надежда Рубен. Костимите и сценографијата се дело на Кирил Василев.
Главниот лик, т.е. нашиот Оливер Твист ќе го игра Бојан Кирковски. Од повозрасната театарска екипа, во оваа оперета ќе играат: Владимир Лазовски, Изабела Новотни и Драган Довлев.