Шпанската полиција соопшти дека спречила втор терористички напад во летувалиштето Камбрилс, 120 км јужно од Барселонa.
Еден автомобил удрил во пешаци околу полноќ на шеталиштето во Камбрилс исто како и комбето кое во Барцелона уби 13 лица вчера попладне.
Во оваа акција на шпанската полиција се убиени петмина терористи кои подготвувале сличен напад во Камбрилс, а ранети биле шестмина цивили и еден полицаец. Од нив едно лице е со тешки повреди.
https://www.youtube.com/watch?v=d9toBAkx_jw
Можните терористи подготвувале голем напад кој требало да предизвика многу жртви. Кај нив се најдени експлозивни направи кои ги носеле на себе. Полицијата соопшти дека настаните во Камбрилс се поврзани со нападот во Барселона, за што одговорноста за презеде Исламската држава.
Во Шпанија е прогласена тридневна жалост.
Шпанскиот премиер Мариано Рахој изјави дека неговата земја е солидарна со тагата во Барселона и во други градови на Европа, кои биле цели на терористички напади.
По вчерашниот напад, Рахој ја посети Барселона. Тој изјави дека во моментот жртвите и нивните роднини и пријатели се главниот приоритет на властите.
Тој изјави дека Каталонија била цел на напад на џихадистичкиот тероризам, како и други градови во светот.
Според него, жителите на Париз, Ница, Брисел, Берлин и Лондон ја почувствувале истата болка и несигурност, како жителите на Барселона вчера.
За Шпанија овој напад е најкрвавиот од 2004 година, кога напаѓачи инспирирани од Ал Каеда извршија координирани напади врз патнички возови во Мадрид, во кои загинаа 192 лица.
МНР: Во нападот во Барселона повреден еден македонски државјанин
Во вчерашниот терористички напад во Барцелона повреден е еден повреден македонски државјанин и тој е вон животна опасност.
Македонското Министерство за надворешни работи соопшти дека во “комуникацијата остварена со надлежните служби, македонската амбасадата во Шпанија дојде до информација дека еден македонски државјанин во моментот се наоѓа во болница во Барселона”.
“Лицето во моментот на извршување на нападот се наоѓало во непосредна близина и се здобило со скршеница на зглобот на ногата. Лицето се наоѓа вон животна опасност и е третирано од страна на шпанските медицински служби.
Претставник од македонската амбасада во текот на ноќта се упати кон болницата каде што се наоѓа повредениот македонски државјанин”, соопштува МНР.
Од Министерството информираат дека ова се важни телефони кои можат да им бидат од корист на граѓаните:
00 34 620 126 308 – број на претставник на македонска амбасада во Шпанија
00 34 932 142 124 – број од шпанските институции за информации за засегнати роднини / пријатели.
Во текот на вчерашниот напад загинаа 12 лица а над 100 се повредни од кои голем број потешко. Шпанските власти соопштија дека во нападот загинале или се повредени државјани на 18 земји. Плоштадот Лас Рамблас во Барцелона е едно од најтуристичките места во светот.




