Денеска во 13 часот тетовци ќе се соберат на плоштадот во градот за да протестираат за чист воздух, бидејќи по горењето на депонијата, жителите се жалат дека во градот се чувствува неподнослива миризба.
Како што е најавено на настанот кој е организиран а фејсбук, од плоштадот, граѓаните ќе се упатат кон зградата на Општина Тетово.
Генералниот секретар на Владата, Драги Рашковски, на својот фејсбук-профил објави дека чистењето на депонијата во Тетово, треба да почне од утре.
„Владата на РМ обезбеди средства и склучи договор за дислокација и чистење на тетовската депонија, процес кој треба да почне во понеделник (утре). Некој тоа го знаел и затоа два дена пред да почне чистењето и дислокацијата, ја запалил се со цел да не може да дојде до тоа или да се одложи процесот, притоа загрозувајќи го здравјето на луѓето. Кому му е ова во интерес? Проценете сами“, пишува Рашковски.
Денеска граѓаните од револт истурат смет пред вратите на општината.
Депонијата во Тетово вчера гореше цел ден, а пожарот беше локализиран синоќа.