Одборот на Обединетите нации кој е задолжен за правата на децата го повика Ватикан да ги открие деталите за илјадниците случаи на педофилија кои се поврзуваат со Црквата.
Комитетот за заштита на правата на децата (УНЦРЦ) поднесе такво барање пред сослушувањето на еден од ватиканските службеници во јануари следната година. Папата Францис претходно нагласи како борбата против сексуалното злосторство е од витално значење за кредибилиетот на Ватикан. Тој потенцираше дека треба да им се помогне на оние кои поминале низ таков момент и да се преземат мерки против сите евентуални виновници.
УНЦРЦ му испрати листа со прашања на Ватикан, од кој бараат „детални информации за сите случаи на злостортство над децата кои ги извршиле членовите на свештенството и братството за кои Ватикан знае“.
Деталите се однесуваат на сите случаи за кои се знае или ќе се дознае во периодот од октомври 1995 година до јануари 2014, кога ќе биде и сослушувањето.
Ова е прв случај да од официјален Ватикан јавно се побара да зборува на оваа тема, јавува Би Би Си.