Обединетите Нации проценуваат дека во само една недела, повеќе од 70.000 припадници на муслиманското малцинство Рохинга кое претежно ја населува државата Ракине во западен Мјанмар, избегале од насилството кое ескалира – пренесува „CNN“.
Бегалците за CNN изјавуваат дека војската на Мјанмар ги нападнала. Владата обвинува дека „терористи“ го иницирале насилството.
Се проценува дека 73.000 бегалци побегнале во Бангладеш од минатиот петок – рече Вивиен Тен, портпаролка на УНХЦР за CNN.
Во четвртокот, телата на 20 луѓе од малцинството биле извлечени од реката Наф, на границата меѓу Мјанмар и Бангладеш. Дванаесет од мртвите тела биле детски.
Сведоштвата на бегалците во бегалските кампови во Бангладеш се застрашувачки.
– Многу луѓе беа убиени. Многу жени беа силувани и убиени. Ние сме многу сиромашни. Мојот сопруг е надничар – сведочи една од жена во бегалскиот камп.
Друг бегалец за CNN изјавува дека војската им наредува да останат во куќите, но ако останат во куќите тие им ги палат и ги стрелаат.
-Има многу етнички групи во Мјанмар, но само Рохинга се омразени од Владата – вели Мухамед Харун кој е еден од бегалците.