Едвај 30 проценти од граѓаните на Република Македонија можат да си дозволат годишен одмор. Последната публикација на Државниот завод за статистика „Анкета за приходите и условите за живот 2010“ објавен пред околу еден месец покажува дека 72.4 од домаќинствата проценти не можат да си дозволат еднонеделен годишен одмор.
Според истата публикација, само 50,08 проценти од домаќинствата поседуваат компјутер, 48.2 проценти имаат автомобил, а 13 проценти немаат машина за перење алишта. Телефон поседуваат 91.9 од македонските домаќинства.
22.4 проценти од домаќинствата се пожалиле на покрив што протекува, влажни ѕидови и темели, гнили и искршени прозорци, на бучава од соседи, улица или индустрија 12.7 проценти, а на загаденост, нечистотија или други проблеми со животната средина 12.3
Околу 13 проценти од домаќинствата во земјата немаат када или туш, а исто толку немаат внатрешен тоалет.
Според најновите анализи на Заводот на статистика кои НОВА ги објави минатата недела загрижувачка е и состојбата со висината на платите на македонските работници. Иако просечната плата според пресметките на Заводот изнесува околу 350 евра, сепак, статистиката потврди дека најголем дел од вработените работат за исклучително мали плати.
Само 1,3 проценти од вработените граѓани во земјава или 8 960 вработени Македонци во 2012 година земале плата поголема од 40 илјади денари. Дури 42 процента работат за плати помали од двесте евра месечно, покажува најновата Анкета за работната сила на Државниот завод за статистика.