Членот на лустраторската комисија Чедо Дамјановски, кој перманентно го критикува начинот на носење одлуки од страна на лустраторите, вели одлуките на Комисијата не само што се незаконски туку и негативно влијаат врз идентитетот и самостојноста на македонскиот народ и држава.
„Конкретно по барање на едно лице (македонски државјанин) да се лустрира наредбодател, станува збор за лице кое претходно се изјаснило дека не постои македонски народ и Македонија треба да биде во склоп на Бугарија, комисијата му удоволува и изгласува одлука дека наредбодателот ги прекршил основните човекови права“, вели Дамјановски.
>> Лустрирани Томе Серафимовски и Слободан Богоевски
Дамјановски ја критикува одлуката за лустрација на академиците, бидејќи според него, со оцрнувањето на „стожерни“ имиња се руши македонскиот вредносен систем.
„Разнишувањето на безбедносниот столб и обезличувањето на македонската култура и уметност го сметам за директен напад врз македонскиот идентитет, а што е уште пострашно тој напад доаѓа одвнатре“, дополнува Дамјановски.
>> Дамјановски: Добивам директни закани по живот
Тој обелодени дека добивал директни закани по својот живот од надворешни фактори, за што ја известил и полицијата. За време на седниците на Комсијата добивал дирекни закани по живот и по семејството од претседателот Томе Аџиев, вели, „ќе го обесел по завршување на мандатот“.
>> Аџиев: Не ми паѓа на памет да се занимавам со Дамјановски
следува видео…