НЕ СЕ ПРОПУШТА: Значајни изданија на ЦИВИЛ и Frontline Press со неверојатен попуст во книжарницата „Или-Или“

Неколку значајни изданија на ЦИВИЛ и Frontline Press се достапни во книжарницата „Или-Или“ со голем попуст. Во време кога цените вртоглаво растат, оваа акција нуди навистина пријателски цени (100 денари по примерок), како дел од заедничка акција на издавачите и книжарницата. 

Дел од изданијата се со ограничен тираж.

Во понудата на ЦИВИЛ се книги што отвораат важни теми за слободата, уставноста, демократијата, и отпорот против агресијата и авторитаризмот. Меѓу достапните изданија се:

• „Белешки за македонскиот конституционализам“ од проф. д-р Љубомир Д. Фрчкоски
• „Во чекалницата на слободата“ од Сашо Орданоски
• „Украина – година на хероизмот“ од Џабир Дерала
• „Рафал“ од Џабир Дерала

Изданијата на Фронтлајн Прес понудени во оваа акција отвораат важни прашања за политиката, вештачката интелигенција, митологиите на моќта и современите предизвици пред јавната мисла. Тоа се книгите:

• „Човекот, роботот и дигиталниот Бог“ од Џабир Дерала и Валентин Нешовски
• „ВМРО МИТ КОНЦЕПТ КРАЈ“ од Бранко Тричковски.

Оваа акција е можност читателите да дојдат до овие изданија по достапни цени и да изберат книги што поттикнуваат размислување, критички став и ангажиран однос кон времето во кое живееме.

Акцијата е заеднички придонес на издавачите и книжарницата за поголема достапност на овој вид литература и поблиска комуникација со читателската публика.