Како ќе се вика најновиот член на кралското семејство?

Во пресрет на исчекувањето на кралската принова, шпекулациите за името на бебето на принцот Вилијам и неговата сопруга Кејт, се шират „на големо“.

Војводата и војвотката од Кембриџ, принцот Вилијам и неговата Кејт го очекуваат своето прво бебе во средината на јули. Шпекулациите растат кое е името кое ќе го изберат за најновиот член на кралската фалимија.

Британските кралски семејства често одбираат традиционални имиња инспирирани од монарси од минатото. Кралицата Елизабета II на сликата е заедно со принцот Филип, младиот принц Чарлс и принцезата Ен.

Џорџ – моментално името кое најмногу добива на значење доколку бебето е машко. Претходно дури 6 крала се викале Џорџ.

Александра е името фаворит доколку бебето е женско, додека Шарлот или Викторија следат како втор, односно трет фаворит.

Се шпекулира и името Дајана како потенцијално средно име доколку Кејт на светот донесе женско, во чест на мајката на принцот Вилијам, односно бабата на бебето која загина во сообраќајна несреќа во Париз 1997.

Одредена опциja за коja се верува дека е надвор од игра е Едвард, бидејќи кралот Едвард VIII предизвика скандал во 1936 година, одрекувајќи се од престолот со цел да се омажи за разведената американка Валис Симпсон.

Изминативе години некои помали кралства одбраа модерни имиња. Внукот на Елизабета II, Питер Филипс и неговата сопруга Отам, своите деца ги крстија Савана, односно Исла.

Во Британија дури може и да се обложувате. Со коефициент 500/1, Вилијам и Кејт можеби ќе го именуваат кралското бебе Елвис, по монархот на еден сосема поинаков вид: “Кралот на Рокенролот”, Елвис Присли.

извор: CNN