Националната асоцијација за оружје (НРА) повика на “дополнителни регулативи” за уредот што го користеше масовниот убиец во Лас Вегас.
Се работи за уреди со кои полуавтоматските пушки се претвораат во целопсно автоматско оружјеза кои оваа асоцијација бара да бидат предмет на дополнителни регулативи.
Републиканците велат дека ќе размислат за евентуална забрана на уредите, иако со години се противат на зајакнување на контролата на оружјето.
Конгресмените планираат да наскоро да одржат сослушување и да ја разгледаат законската можност за забрана на уредот.
НРА вчера побара од регулаторите “веднаш да проверат дали овие уреди се во согласност со федералниот закон”.
-Како последица на злиот и бесмислен напад во Лас Вегас, американскиот народ бара одговори за тоа како може да се спречат идните трагедии, напишаа првите луѓе на Асоцијацијата, Вејн Лапиер и Крис Кокс.
Тие ги критикуваа политичарите кои повикуваат на контрола на оружјето, истакнувајќи дека “забраната на оружје за сите оние Американци што ги почитуваат закони само заради едно кривично дело сторено од луд човек нема да придонесат ништо за да ги спречат идните напади”.
Во соопштението, прво од организацијата по нападот во неделата во Лас Вегас, во кој загинаа 58 лица, а речиси 500 беа повредени, се истакнува дека ваквите уреди се одобрени од Бирото за алкохол, цигари и огнено оружје на администрацијата на Обама.
Портпаролката на Белата куќа, Сара Сандерс, која разговараше со новинарите кусо по изјавата на НРА, рече:
-Ние сме отворени да го спроведеме тоа, но сакаме да бидеме дел од тој разговор во наредните денови и недели.
Во истата изјава НРА го повика Конгресот да го усвои својот долгогодишен предлог за проширување на правата за поседување оружје на национално ниво, т.н. реципроцитет на правото за носење оружје.
Поточно, лоби групата сака сопственици на оружје со дозвола од една држава да може да го пренесат своето оружје во која било друга американска држава, дури и ако има построги ограничувања за поседување.
Предлог-законот за забрана на уредите за полуавтоматско оружје беше поднесен во Сенатот на САД во средата од страна на демократката од Калифорнија, Дајан Фајнстајн.
Републиканската верзија на предлог-законот може да биде поднесена за дебата уште во четврток, изјави за новинарите републиканецот оид Флорида Карлос Крибело.
Уредите, исто така познати како адаптери за автоматски оган, им овозможуваат на полуавтоматските пушки да пукаат со голема брзина, слично како автоматското оружје.
Тие можат да се добијат без дополнителни детални проверки потребни за автоматско оружје.
Стефан Падок, напаѓачот во Лас Вегас, вакви уреди имал на 12. пушки што биле користени во неговиот напад.
Тие вообичаено чинат помалку од 200 долари и овозможуваат за седум секунди да бидат испукани речиси 100 куршуми со голема брзина.
Еден од најпопуларните производители на ваквите уреди, Slide Fire, изјави дека биле распродадени “поради невообичаено големата побарувачка“, по нападот во Лас Вегас.